Federación de Administración Pública da CIG

Federación de Administración Pública da CIG

Ligazóns sectores

Autonómica
Correos
Xustiza

Ligazons confederacion

CIG - Avantar
Forga
Saúde laboral
Fesga

Procurar no web

Novas da Confederación

A Confederación Intersindical Galega ten unha estructura dividida en distintas federacións (unha delas é a Federación de Administración Pública), así como unha serie de servizos comúns.

O que segue son as últimas novas publicadas nos webs da Confederación, así como diversos servizos comúns.


Partillar no Chuza!Partillar no DoMelhorPartillar no MenéamePartillar no TuentiPartillar no Buzz it!Partillar no Digg it!Partillar no FacebookPartillar no TwitterPartillar no Cabozo
 
  • Nunha nova mostra de ruindade, Extel despide a catro persoas "por enfermar"

    CIG Diario Dixital Avantar 5 Dec 2019 | 2:48 pm

    O próximo luns 9 de decembro, os traballadores e as traballadoras de Extel (do grupo Adecco) están chamadas a secundar unha xornada de folga de 24 horas na plataforma da Coruña en rexeitamento á modificación unilateral imposta pola empresa sobre os repousos médicos e o uso das horas médicas. A sección sindical da CIG denuncia que a empresa non admite agora os xustificantes médicos por repouso, tal e como era costume dende hai anos, obrigando así ao persoal a coller baixas de un día, "co único fin de executar despedimentos por absentismo".

  • O persoal de Axuda a Domicilio de Miño mobilizarase se o servizo se adxudica a Virxe do Carme

    CIG Diario Dixital Avantar 5 Dec 2019 | 2:18 pm

    As máis de 30 traballadoras do Servizo de Axuda a Domicilio do Concello de Miño están dispostas, e así se ratificou en asemblea, a iniciar mobilizacións se a adxudicación do contrato recae novamente na empresa Virxe do Carme SL. O persoal advirte que non vai permitir que unha empresa que incumpre e despreza as traballadoras sexa a encargada de prestar un servizo esencial para a comunidade como a atención no fogar.

  • Foz mobilízase en demanda dunha tarifa industrial estábel, predicíbel e competitiva

    CIG Diario Dixital Avantar 5 Dec 2019 | 1:55 pm

    Milleiros de persoas concentráronse na Praza Conde de Fontao Foz este mércores pola tarde en demanda dun novo marco regulador da enerxía que dote de futuro a actividade produtiva e o emprego na fábrica de aluminio de San Cibrao. A protesta tiña lugar un día despois de publicarse a convocatoria da nova poxa de interrompibilidade, que empeora as condicións dos anteriores e sen que até o momento exista ningún avance para a aprobación do estatuto do consumidor electrointensivo.

  • O persoal de Albada irá á folga indefinida ao non achegar o Concello da Coruña garantías suficientes

    CIG Diario Dixital Avantar 5 Dec 2019 | 1:43 pm

    Esta mañá, o comité de Albada mantivo unha reunión coa alcaldesa da Coruña e a concelleira de Medio Ambiente para coñecer que medidas está a adoptar a Administración local de cara a obrigar a empresa a cumprir cos pregos do contrato e intentar buscar solucións ao conflito aberto. Porén, a saída do encontro, o comité xa adiantaba que, ao non existir ningún tipo de garantías e dado que Albada (do grupo Urbaser) mantén toda a batería de recortes, o calendario de mobilizacións segue adiante e haberá folga indefinida na planta de Nostián dende ás 22 horas do domingo 8 de decembro.

  • A CIG da Autoridade Portuaria de Vigo denuncia a “privatización inminente” de todo o peirao transversal

    CIG Diario Dixital Avantar 4 Dec 2019 | 8:20 pm

    A sección sindical da CIG na Autoridade Portuaria de Vigo (APV) denuncia que o ente estatal publicou “con nocturnidade e aleivosía” o pasado venres 26 de novembro as bases dun concurso para outorgar en réxime de concesión administrativa a práctica totalidade do peirao transversal, o que na practica supón a súa privatización. Dende a central reclaman a dimisión do “ilexítimo representante” de CCOO no consello de administración da APV, “que non trasladou a orde do día na que se incluía dito punto, polo que o comité de empresa non puido mostrar a súa desconformidade”.

  • O persoal de Irosa pacta un calendario de pago das débedas e convocará folga se non se cumpre

    CIG Diario Dixital Avantar 4 Dec 2019 | 7:44 pm

    O cadro de persoal de Irosa, empresa do sector da rocha ornamental con sede en Carballeda de Valdeorras na que traballan máis de 200 persoas, pactou coa dirección un calendario de pago dos salarios pendentes, e no caso de que non se cumpra convocarán unha folga indefinida. O plan de liquidación das débedas establece que o 61% das cantidades deberán estar abonadas este xoves día 5, fixando para o día 14 o pago da súa totalidade.

  • A familia dun mariñeiro falecido nun barco de Profand acude aos tribunais para reclamar o pago dunha indemnización digna

    CIG Diario Dixital Avantar 4 Dec 2019 | 6:51 pm

    A familia do patrón do barco Senefand 1, afundido hai tres anos cando faenaba en augas de Senegal, tivo que levar a compañía viguesa Profand, un dos principais grupos pesqueiros do Estado, aos tribunais para reclamar unha indemnización digna. Como o corpo nunca apareceu a empresa non recoñece o sucedido como accidente laboral porque pretende pagar o mínimo posíbel. Este luns día 9 celebrarase o xuízo no que se determinará a responsabilidade do sinistro e se fixarán as correspondentes indemnizacións.

  • O comité de EMESA denuncia a "nefasta xestión" do Grupo Soil Recovery "que forzou o concurso de acredores"

    CIG Diario Dixital Avantar 4 Dec 2019 | 6:44 pm

    O comité de Elaborados Metálicos EMESA S.L compareceu esta mañá en rolda para trasladar a preocupación polo futuro da empresa, propiedade do Grupo Soil Recovery, que vén de entrar en concurso de acredores, "logo dunha nefasta xestión e abandono". A pesar de que a fábrica de Coirós ten carga de traballo suficiente, denuncian que "a dirección ameazou con aplicar un ERE extintivo de maneira progresiva para todo o cadro de persoal; é dicir o peche de EMESA despois de 62 anos de actividade".

  • A ‘uberización’ do traballo

    Fundación Moncho Reboiras 4 Dec 2019 | 5:35 pm

    O profesor de Socioloxía do Traballo da Universidade Estadual de Campinas, no Brasil, Ricardo Antunes, visitou Galiza, convidado pola Fundación Moncho Reboiras e a CIG, para compartir as súas análises sobre a cada vez maior deterioración das condicións laborais a consecuencia da terceirización da economía. Unha charla para a que el mesmo propuxo dous posibles títulos: “A uberización do traballo” ou “O capitalismo de plataforma e a protoforma do capitalismo” e na que presentou, ademais, o seu último libro, O privilégio da servidão: O novo proletariado de serviço na era digital.

  • A inoperancia do Goberno español lévanos a unha nova poxa que agrava a crise das electrointensivas

    CIG Diario Dixital Avantar 4 Dec 2019 | 2:51 pm

    A inoperancia do Goberno español, que leva meses e meses incumprindo as súas propias leis (non esquezamos que o RD 20/2018 establecía un prazo de seis meses para a posta en marcha do estatuto do consumidor electrointensivo) lévanos a unha nova poxa de interrompibilidade en peores condicións, e que só servirá para agravar a crise na que está sumida a industria electrointensiva a causa dos elevados custes do prezo da enerxía.

  • Traballadores/as de Noa mobilízanse contra os despedimentos e a explotación laboral

    CIG Diario Dixital Avantar 4 Dec 2019 | 10:22 am

    Traballadores e traballadoras de Noa Madera Creativa trasladáronse esta mañá até as instalacións que o Grupo Malasa ten no Temple (Cambre) para denunciar a explotación laboral que pretende impor o grupo empresarial e as manobras de desmantelamento paulatino da fábrica de Fene, na que actualmente traballan preto de 200 persoas.

  • Sanidade na Mariña: fuga de profesionais de enfermaría a outros territorios a causa da precariedade laboral

    CIG Diario Dixital Avantar 3 Dec 2019 | 8:49 pm

    A CIG-Saúde convocou este martes unha asemblea aberta e participativa para o persoal de enfermaría do Hospital da Mariña para debater, analizar as causas e deseñar estratexias para mudar a situación crítica de falta de persoal nas listas de contratación. A esta situación, denuncian, chégase pola elevada precariedade laboral que padece o colectivo e que “está fomentada pola xerencia do hospital”.

  • Novembro rexistrou un elevadísimo número de contratos malia subir o paro e baixar a afiliación á Seguridade Social

    CIG Diario Dixital Avantar 3 Dec 2019 | 8:03 pm

    O mes de novembro volveu rexistrar un elevadísimo número de contratos, cun total de 76.222, a pesar de que o desemprego aumentou en 1352 persoas (0,82% máis que no período anterior) e a Seguridade Social perdeu 3860 afiliadas. Estes datos evidencian o imparábel aumento da precariedade laboral, cunha forte rotación e con escasa duración da contratación.

  • O xulgado declara a nulidade do despedimento de cinco traballadores do GES de Guitiriz

    CIG Diario Dixital Avantar 3 Dec 2019 | 6:29 pm

    O Xulgado do Social nº 3 de Lugo vén de decretar a nulidade do despedimento de 5 operarios do GES de Guitiriz no pasado mes de maio. Esta sentenza ratifica o que no seu día se denunciou desde a CIG: que a extinción do servizo dos GES e os despedimentos correspondentes non atendían a ningunha razón obxectiva, senón a un capricho da alcaldesa por aquel entón, Regina Polín, por desfacerse duns traballadores e traballadoras que lle resultaban incómodos por ter reclamado dereitos que lles eran propios, tal como se ten demostrado nas resolucións da Inspección de Traballo e en varias sentenzas anteriores dos xulgados do social ao respecto.

  • A CIG-Saúde apoia a loita en defensa dos servizos públicos no hospital de Verín

    CIG Diario Dixital Avantar 3 Dec 2019 | 6:13 pm

    A federación de Saúde da CIG trasladou hoxe publicamente o seu apoio ás mulleres que están a defender os servizos públicos do hospital de Verín “para ter dereito a unha asistencia sanitaria pública de calidade e de proximidade”. Dende a central rexeitan o peche do servizo de maternidade hospitalaria e denuncian as políticas sanitarias do PP “que vulneran os dereitos sexuais e reprodutivos das mulleres”.

  • A CIG loitará por recuperar dereitos para avanzar e mobilizarase na defensa do emprego e da industria

    CIG Diario Dixital Avantar 3 Dec 2019 | 2:57 pm

    A CIG manterá a mobilización en demanda da derrogación das reformas, pola recuperación de dereitos sociais, laborais e nacionais e fronte a grave situación de desmantelamento industrial que enfronta o noso país. Así o anunciou o secretario xeral, Paulo Carril, na asemblea nacional de delegadas e delegados, que avaliou as liñas de acción sindical para os vindeiros meses, tras conmemorar os seus 25 anos de existencia. Un encontro ao que seguiu unha manifestación que rematou diante do edificio administrativo da Xunta de Galiza, en San Caetano, baixo o lema “Recuperar dereitos para avanzar. Na defensa do emprego e da industria na Galiza”.

  • A CIG cumpre 25 anos sendo 1ª forza en representación, afiliación e capacidade de mobilización

    CIG Diario Dixital Avantar 3 Dec 2019 | 2:42 pm

    A Confederación Intersindical Galega celebrou este martes o seu 25 aniversario cunha asemblea nacional de delegadas e delegados que estivo presidida pola actual executiva e os membros do primeiro secretariado. Un acto no que se conmemorou, como apuntou o secretario xeral, Paulo Carril, un proceso histórico nacido das loitas de Ferrol e Vigo do ano 1972 que levou á central sindical a ser hoxe a primeira en representación, afiliación e capacidade de mobilización.

  • Constitúese a mesa de negociación do XVIII convenio de empresas de consultoría en Madrid

    CIG Diario Dixital Avantar 3 Dec 2019 | 9:04 am

    Representantes da CIG-TIC participaron o pasado día 27 de novembro no acto de constitución da mesa negociadora do XVIII convenio de empresas de consultorías do Estado español. Na xuntanza, que se celebrou na sede da patronal española de empresas de consultorias, AEC, participaron tamén CCOO, UGT, LAB e ELA. Representando á patronal estaban convocadas as organizacións AEC, ACEC e a "Asociación Nacional para la Investigación de Marketing, Económico y Social".

  • Grupo Norte utiliza o persoal do 061 para que a Fundación Pública Urxencias Sanitarias pague o que debe

    CIG Diario Dixital Avantar 3 Dec 2019 | 8:51 am

    A CIG-Banca de Compostela denuncia os atrasos de Grupo Norte ao persoal operador do 061 no pago das nóminas de novembro, e a ameaza desta subcontrata a facer o mesmo na nómina de decembro. A central sindical acúsaa de utilizar ás traballadoras e traballadores para coaccionar á Fundación Pública Urxencias Sanitarias de Galiza-061 coa finalidade de conseguir o que este organismo público lle debe, e responsabiliza tamén á propia Xunta de acometer o traslado dos servizos de emerxencia de Galiza ao concello da Estrada deixando en mans de empresas privadas un servizo público esencial.

  • CIG-Saúde denuncia a adxudicación a dedo de dúas prazas de enfermería no Hospital de Monforte

    CIG Diario Dixital Avantar 2 Dec 2019 | 2:05 pm

    A CIG-Saúde denuncia os “dedazos” que se están a producir no hospital comarcal de Monforte, nomeadamente na cobertura de dous postos de facultativo que están sendo ocupados por persoal nomeado “sen ningún tipo de requisito nin proceso selectivo”.

  • A Inspección presiona os centros de Primaria para incrementar ao máximo a carga lectiva do profesorado

    CIG Diario Dixital Avantar 2 Dec 2019 | 1:37 pm

    Con visitas aos equipos directivos, mediante chamadas telefónicas ou con correos electrónicos. Nas últimas semanas numerosos centros docentes recibiron a alerta da inspección de que tiñan que acomodar os horarios do seu profesorado. Outros moitos centros non tiveron coñecemento desta nova medida de presión e recortes xa que o seu persoal docente xa cumpre as instrucións nas que agora incide a Consellaría.

  • Comprendermos | 19

    Fundación Moncho Reboiras 15 Nov 2019 | 1:13 pm

    Editamos en parcería co semanario Sermos Galiza, un novo número do Comprendermos, que poñemos agora a disposición do público no noso sitio web.

  • Sae á rúa Enxergar, revista de pensamento e análise

    Fundación Moncho Reboiras 18 Jul 2019 | 11:30 am

    Desde a Fundación Moncho Reboiras comprácenos presentarvos unha nova publicacións que sairá á rúa o próximo 25 de xullo. A Revista de pensamento e análise Enxergar.

  • A Fundación Moncho Reboiras contará cunha sección de “Formación sindical” na web da CIG

    Fundación Moncho Reboiras 13 May 2019 | 10:31 pm

    Ten previsto publicar vídeos con información de interese para a afiliación da central sindical

  • Comprendermos | 18

    Fundación Moncho Reboiras 2 May 2019 | 10:19 am

    Editamos en parcería co semanario Sermos Galiza, un novo número do Comprendermos, que poñemos agora a disposición do público no noso sitio web.

  • Documentación do primeiro Congreso da CIG

    Fundación Moncho Reboiras 22 Mar 2019 | 7:20 pm

    Aquel xermolo que agromaba o 19 de marzo de 1994 na unificación entre a CXTG e INTG, dando lugar á Confederación Intersindical Galega (CIG) converteuse hoxe, no referente sindical no noso país polo seu compromiso coa nación galega, polo seu carácter reivindicativo, combativo e de clase

  • Comprendermos | 17

    Fundación Moncho Reboiras 21 Feb 2019 | 5:04 pm

    Xa podes dispoñer do número 17 do Comprendermos, caderno de pensamento para o debate e a acción da Fundación Moncho Reboiras, para a súa descarga ou consulta en liña.

  • Tratado de Maastricht, dixemos non e o tempo deunos a razón

    Fundación Moncho Reboiras 18 Feb 2019 | 1:13 pm

    Por este acordo entre o 1 de xaneiro de 1994 (hai 25 anos) e o 1 de xaneiro de 1999 os países membros da Unión Europea tiñan que coordinar as súas políticas económicas. Para cumprir este obxectivo fixouse para finais de 1993 a plena liberalización de capitais, e a creación dunha moeda común, o euro, que comezaría a circular o 1 de novembro de 1999, data para a que tamén marcaba uns criterios de converxencia, e como engado para os países mais afectados creábase un Fondo de Cohesión.

  • Coloquio sobre a “Vixencia do pensamento marxista” en Compostela

    Fundación Moncho Reboiras 5 Feb 2019 | 5:28 pm

    Con motivo do 200º aniversario de Karl Marx, desde a Fundación Moncho Reboiras organizamos unha conferencia-coloquio en Santiago de Compostela sobre a vixencia do pensamento marxista. Aproveitaráse a ocasión para presentar unha publicación editada para a ocasión pola Fundación Moncho Reboiras o pasado mes de xullo de 2018.

  • Boletín do Arquivo do sindicalismo nacionalista

    Fundación Moncho Reboiras 21 Dec 2018 | 1:07 pm

    Mediante esta publicación de carácter divulgativo, a Fundación Moncho Reboiras pretende pór en valor o traballo realizado durante o 2018 no Centro de Documentación da propia central sindical.

Joomla Templates: by JoomlaShack