Federación de Administración Pública da CIG

Federación de Administración Pública da CIG

Ligazóns sectores

Autonómica
Correos
Xustiza

Ligazons confederacion

CIG - Avantar
Forga
Saúde laboral
Fesga

Procurar no web

Novas da Confederación

A Confederación Intersindical Galega ten unha estructura dividida en distintas federacións (unha delas é a Federación de Administración Pública), así como unha serie de servizos comúns.

O que segue son as últimas novas publicadas nos webs da Confederación, así como diversos servizos comúns.


Partillar no Chuza!Partillar no DoMelhorPartillar no MenéamePartillar no TuentiPartillar no Buzz it!Partillar no Digg it!Partillar no FacebookPartillar no TwitterPartillar no Cabozo
 
  • O TSXG anula o decreto de servizos mínimos que a Xunta de Galiza fixou para a folga de Mulleres do 8M

    CIG Diario Dixital Avantar 21 Sep 2018 | 4:57 pm

    O Tribunal Superior de Xustiza de Galiza vén de anular o Decreto de servizos mínimos ditados pola Xunta de Galiza para a xornada de folga de Mulleres convocada o pasado 8 de Marzo. En concreto anula os mínimos referidos á consellaría de Presidencia, CRTVG, Centro de Emerxencias 112 e Parque Nacional das Illas Atlánticas. A CIG, no seu momento, presentou recurso por considerar que se trataba duns “servizos máximos, abusivos e exaxerados” que vulneraban o exercicio do dereito fundamental á folga.

  • Pensionistas e xubilados/as da CIG convocan mobilizacións en todas as comarcas para o 27 de setembro

    CIG Diario Dixital Avantar 21 Sep 2018 | 12:47 pm

    Pensionistas e xubilados/as da CIG anuncian a convocatoria de mobilizacións para o vindeiro xoves día 27 de setembro en diversas cidades e vilas. Lembran que as pensións galegas son as segundas máis baixas do Estado -máis da metade non chegan aos 677,70€- e denuncian que, porén, a suba que recollen os orzamentos aprobados en xullo supón un incremento de tan só 20€ ao mes.

  • O comité de Vitrasa inicia mobilizacións ante a falta de respostas da empresa

    CIG Diario Dixital Avantar 21 Sep 2018 | 11:27 am

    Despois de tres semanas de denunciaren publicamente a degradación das condicións laborais no servizo público de transporte urbano de Vigo e de contratacións fraudulentas por parte da empresa, sen obteren ningunha resposta, o comité de Vitrasa deu inicio a unhas mobilizacións que procuran que a empresa se sente a negociar.

  • Mercan empanadas, pizzas e bocadillos para o alumnado por falta de subministro en comedores escolares

    CIG Diario Dixital Avantar 20 Sep 2018 | 6:53 pm

    A CIG-Ensino vén de denunciar os problemas de subministro que se están a dar en arredor dunha vintena de comedores escolares, sobre todo de ámbito rural, pola falta de xestión da consellaría. Deficiencias das que responsabiliza á empresa concesionaria, Gescor, que obrigaron a algún centro a mercar empanadas, pizzas e bocadillos para darlle de comer ao alumnado e diante das que insta, máis unha vez, á consellaría a asumir directamente a xestión deste servizo.

  • Comunicado Sindical en apoio da Revolución Bolivariana de Venezuela

    CIG Diario Dixital Avantar 20 Sep 2018 | 6:34 pm

    Os sindicatos asinantes, reunidos en Barcelona no marco da Diada de Catalunya queremos manifestar o seguinte ante a escalada da inxerencia externa do imperialismo dos Estados Unidos e dos seus socios Europeos na República Bolivariana de Venezuela:

  • Mantéñense as exixencias de máis persoal para a ESAD após tres días de folga

    CIG Diario Dixital Avantar 20 Sep 2018 | 6:30 pm

    Coincidindo cun acto oficial de inicio de curso na cidade unha representación do alumnado e do profesorado interpelou ao Xefe Territorial e esixiu a solución ao conflito creado pola propia Consellaría tras os recortes indiscriminados no único centro que imparte as ensinanzas de arte dramática en Galiza.

  • CIG, UGT e CCOO expresan á subdelegada a necesidade inmediata do indulto a Carlos e Serafín

    CIG Diario Dixital Avantar 20 Sep 2018 | 12:01 am

    Os secretarios e secretaria comarcais da CIG, UGT e CCOO en Vigo mantiveron na mañá deste 19 de setembro un encontro coa subdelegada do Goberno español en Pontevedra, Mª Carmen Larriba García, para transmitirlle a necesidade de que o novo executivo conceda canto antes o indulto aos traballadores Carlos Rivas e Serafín Rodríguez.

  • A ESAD eleva as esixencias ao Conselleiro de Educación despois de tres días de folga unánime

    CIG Diario Dixital Avantar 19 Sep 2018 | 10:08 pm

    O único centro no se se imparten estudos superiores de Arte Dramática en Galiza finalizou hoxe unha folga de tres días que concitou a unanimidade da comunidade educativa contra os recortes de profesorado. Esta mañá o xefe territorial foi interpelado na permanente da Xunta de Persoal Docente, evadindo compromisos reais e defendendo a actuación do inspector.

  • CIG-Ensino demanda recuperar a xornada lectiva docente e un plan de estabilidade para persoal interino

    CIG Diario Dixital Avantar 19 Sep 2018 | 7:36 pm

    Unha representación da CIG-Ensino e de profesorado afectado polos recortes de persoal neste comezo de curso concentráronse este mércores diante da Consellaría de Educación esta mañá para apelar directamente ao presidente da Xunta a que remate con estes recortes “e deixe de liderar a política restritiva no ensino no Estado español”.

  • Función Pública estuda mudar o decreto de listas para valorar o tempo traballado ao persoal de SEAGA

    CIG Diario Dixital Avantar 19 Sep 2018 | 6:58 pm

    O Director Xeral de Función Pública propuxo, na xuntanza celebrada o martes día 19, a modificación do decreto de listas de cara a valorar as entidades públicas pertencentes á Xunta de Galiza, como o IGAPE, o persoal do Consorcio e os bombeiros forestais de SEAGA. A CIG exixe que os prazos sexan o máis curtos posíbeis para a resolución do conflito e solicita a apertura urxente do proceso negociador.

  • A CIG participa como convidada no X Congreso da CGT de Colombia

    CIG Diario Dixital Avantar 19 Sep 2018 | 6:51 pm

    Durante a pasada semana, desenvolveuse en Bogotá o X Congreso da Confederación General del Trabajo (CGT) de Colombia, baixo o lema “Polos Dereitos da Xente”, no que a CIG participou como organización convidada. No proceso saíu reelixido como presidente da CGT Julio Roberto Gómez Esguerra. Os actos do congreso comezaran o día 10 e continuaron entre os días 11 e 14 de setembro, coa participación de 760 delegados/as oficiais, en representación dos sindicatos de primeiro grao e as federacións filiais, o Gobernador de Nariño, Camilo Romero, o Presidente da Confederación de Consumidores de Colombia, Ariel Armel arenas, Jorge Enrique Bedoya, pola Sociedade de Agricultores de Colombia, o Presidente da CTC, Miguel Morantes, e un importante número de representantes de organizacións[…]

  • Persoal estatutario e da central de chamadas do 061 exixen a Sanidade solucións polo seu traslado á Estrada

    CIG Diario Dixital Avantar 19 Sep 2018 | 6:07 pm

    Persoal da Fundación Pública de Urxencias Sanitarias, 061, e da central de chamadas, xestionada polo Grupo Norte, concentráronse este mércores diante da consellaría de Sanidade para demandar solucións perante o seu inminente traslado á Estrada, previsto para o vindeiro día 1 de outubro.

  • A proposta do CGRL evidencia que a patronal non ten razóns para negarse a incluír os acordos das auxiliares no convenio do metal

    CIG Diario Dixital Avantar 19 Sep 2018 | 5:51 pm

    Na tarde do martes, representantes sindicais e da patronal provincial do metal acudían a unha xuntanza mediada polo Consello Galego de Relacións Laborais para tentar resolver definitivamente o conflito xerado na industria auxiliar de Navantia a causa do incumprimento unilateral por parte das empresas dos acordos salariais de 2001. Nese encontro, a presidenta do CGRL entregou unha proposta que contempla a incorporación dunha disposición adicional ao texto do convenio provincial do metal para darlle entrada así aos acordos que se pechen na Mesa do Naval de Ferrol.

  • O persoal de Maderas Iglesias logra axilizar o pago dos salarios e suspenderá a folga tras 24 días

    CIG Diario Dixital Avantar 19 Sep 2018 | 5:30 pm

    As e os traballadoras/es de Maderas Iglesias decidiron esta mañá en votación suspender a folga iniciada o pasado 28 de agosto tras conseguiren un acordo que axiliza o pago dos salarios adebedados, alén de desbloquear a negociación do convenio. Desde o comité de empresa amosan unha satisfacción contida, advertindo á empresa de que calquera incumprimento suporá a reactivación dunha folga que deixarán a partir deste venres 21.

  • A CIG denuncia que “Inditex explota as traballadoras das tendas Lefties da provincia da Coruña”

    CIG Diario Dixital Avantar 19 Sep 2018 | 10:34 am

    A CIG leva varios anos demandando que Inditex incremente o persoal indefinido nas tendas Lefties, porque o que hai actualmente é insuficiente. Tal é así que nos sucesivos estudos psicosociais realizados entre as traballadoras, os resultados constatan que cada vez a situación é peor. Este exceso de carga de traballo tanto física como psíquica repercute na saúde e na seguridade de todo o persoal. Porén, lonxe de incrementar o número de traballadoras, a empresa implantou xa en Zara e Lefties de Marineda 14 caixas de autocobro nun intento de suplilas por máquinas.

  • Segundo día de folga histórica na ESAD de Galiza secundada polo 100% de profesorado e alumnado

    CIG Diario Dixital Avantar 18 Sep 2018 | 6:05 pm

    As e os 34 docentes e 170 estudantes matriculados/as no único centro que imparte ensinanzas superiores de arte dramática no noso país continúan en folga contra os recortes de profesorado. Mañá está previsto que se celebre unha reunión da Permanente da Xunta de Persoal de Pontevedra, na que se abordará este asunto.

  • O 100% do persoal de Valoriza Auga vai á folga para esixir o desbloqueo da negociación colectiva

    CIG Diario Dixital Avantar 18 Sep 2018 | 4:55 pm

    O 100% dos traballadores de Valoriza Auga (empresa que ten a concesión do servizo de mantemento da rede de sumidoiros da Coruña) están secundando este martes a xornada de folga convocada contra o bloqueo patronal na negociación do convenio colectivo e para esixir a retirada das sancións impostas ao delegado de persoal e a varios empregados por ter participado nunha asemblea. O paro resulta un éxito total xa que das 18 persoas que integran o cadro de persoal só entraron a traballar aquelas nomeadas para os servizos mínimos.

  • Demandan a Grupo Norte por vulnerar o dereito á folga do persoal do 061

    CIG Diario Dixital Avantar 18 Sep 2018 | 2:17 pm

    A CIG vén de presentar demanda de tutela dos dereitos fundamentais pola vulneración do dereito á folga das traballadoras e traballadores da central de chamadas do 061, xestionada por Grupo Norte, ao se decretaren uns servizos mínimos do 100% das presenzas habituais tan só 41 minutos antes de iniciarse o primeiro paro e sen posibilidade de presentar alegacións previas.

  • Continúan as queixas pola falta de docentes nos centros educativos de Compostela

    CIG Diario Dixital Avantar 18 Sep 2018 | 11:21 am

    A CIG-Ensino ten detectado problemas de falta de persoal en centros da comarca de Compostela, nomeadamente no IES de Brión, onde familiares e alumnado manteñen un peche en demanda dos tres docentes necesarios para garantir a oferta de optativas e de PMAR prevista para este curso. Xunto a este centro, tamén hai falta de profesorado no CEIP de Arcediago en Santiso, no CEIP Castelao de Ordes e no CEIP Barrié de la Maza de Santa Comba.

  • Traballadores/as de SEAGA exixen que a Xunta garanta igualdade de oportunidades no acceso ao SPDCIF

    CIG Diario Dixital Avantar 17 Sep 2018 | 4:58 pm

    Traballadores e traballadoras de SEAGA concentráronse esta mañá diante da consellaría de Medio Rural, en Compostela, para exixir igualdade de oportunidades no acceso ao Servizo de Prevención e Defensa contra Incendios Forestais de Galiza (SPDCIF). A mobilización coincide coa folga indefinida que teñen convocada en demanda de que se aclare a situación na que quedarán os servizos de prevención e extinción de incendios, e nomeadamente esta empresa pública, e exixir garantías para o acceso do persoal ao SPDCIF.

  • A articulación dos dereitos dos pobos de Europa no proceso de construción da UE

    Fundación Moncho Reboiras 26 Jun 2018 | 7:58 pm

  • Pasado e presente da colonialidade e dos pobos sen estado

    Fundación Moncho Reboiras 8 May 2018 | 8:00 pm

  • Dereitos dos Pobos de Europa

    Fundación Moncho Reboiras 16 Apr 2018 | 6:23 pm

    Dereitos dos Pobos de Europa. Encontros InternacionaisOs pobos de Europa e a articulación dos seus dereitos na UE e nos seus Estados membros

  • Comprendermos | 13

    Fundación Moncho Reboiras 11 Apr 2018 | 6:55 pm

    Neste novo número do Comprendermos pon o foco nas súas páxinas centrais, na cuestión das pensións, un debate aberto arredor da viabilidade e sustentabilidade do sistema público de pensións, Antolín Alcántara, integrante do Padroado da Fundación Moncho Reboiras, achega algún datos e argumentos para comprender o verdadeiro alcance do problema político que encerra.

  • Entrevista a Adrián Sotelo

    Fundación Moncho Reboiras 17 Jan 2018 | 12:29 pm

    Adrián Sotelo, sociólogo e profesor do Centro de Estudios Latinoamericanos da Facultade de Ciencias Políticas e Sociais da Universidade Nacional Autónoma de México (UNAM), estivo no noso país a comezos do verán para presentar O precariado. Unha nova clase social? No seu novo libro, publicado en galego pola Fundación Moncho Reboiras, o intelectual mexicano cuestiona as máis recentes teorías posmodernas e sistémicas que proclaman a fin do traballo, a negación da clase obreira e a súa substitución por un novo suxeito: o precariado.

  • Comprendermos | 12

    Fundación Moncho Reboiras 17 Jan 2018 | 11:59 am

    O último número de Comprendermos aborda nas súas páxinas centrais, a relación entre centralización da negociación colectiva e aumento da precariedade. Na súa análise, Francisco González Sío, secretario confederal de Negociación Colectiva da CIG, expón tamén a situación da negociación colectiva fronte ás novas realidades de subcontratación que multiplican as casuísticas de precarización da forza de traballo, tales como as falsas e falsos autónomos, as empresas multiservizos, os Centros Especiais de Emprego, as ETT e o traballo transnacional derivado da Directiva de Servizos da Unión Europea.

  • Presentación do caderno “100 anos da revolución socialista en Rusia”

    Fundación Moncho Reboiras 29 Dec 2017 | 12:20 pm

    O pasado 19 de decembro presentouse no salón de actos da CIG de Vigo o caderno 100 anos da revolución socialista en Rusia. A presentación da obra correu a cargo do presidente da Fundación Moncho Reboiras, Suso Seixo, quen foi precedido polo secretario comarcal da CIG de Vigo, Alberte Gonçalves, seguíndose dun coloquio coas persoas asistentes.

  • 100 anos da revolución socialista en Rusia (caderno)

    Fundación Moncho Reboiras 29 Dec 2017 | 11:54 am

    Mediante esta publicación de 32 páxinas, profusamente ilustrada e de marcado carácter divulgativo, a Fundación Moncho Reboiras pretende pór en valor o fito que supuxo a toma do poder pola clase traballadora e a construción do primeiro estado obreiro na historia. A Revolución Socialista de Outubro rebordou os marcos do Imperio tsarista, fortalecendo as loitas da clase traballadora a nivel mundial e dándolle un importante pulo aos procesos de liberación das colonias e nacións oprimidas.

  • Comprendermos | 11

    Fundación Moncho Reboiras 18 Oct 2017 | 1:57 pm

    Neste novo número de Comprendermos, publicamos un dossier central sobre os Pactos da Moncloa, co gallo de se cumpriren este 25 de outubro, 40 anos da súa sinatura. Suso Seixo, presidente da Fundación Moncho Reboiras, debulla nestas páxinas o significado dos acordos asinados en 1977 por UCD, AP, PSOE, PCE, PSP, CiU e PNV, e as nefastas consecuencias que tiveron para o movemento obreiro e o conxunto do pobo traballador.

  • Comprendermos | 10

    Fundación Moncho Reboiras 18 Sep 2017 | 1:53 pm

    Xa podes dispoñer do número 10 de Comprendermos, o caderno da Fundación Moncho Reboiras, para a súa descarga ou consulta en liña.

Joomla Templates: by JoomlaShack