Federación de Administración Pública da CIG

Federación de Administración Pública da CIG

Ligazóns sectores

Autonómica
Correos
Xustiza

Ligazons confederacion

CIG - Avantar
Forga
Saúde laboral
Fesga

Procurar no web

Novas
As organizacións sindicais convocan mobilizacións en contra dos novos recortes da Xunta para os empregados/as públicos/as PDF Imprimir Correo-e
Martes, 07 Febreiro 2012 19:58

CIG, CCOO, UGT e CSI-F non descartan convocar folga en todas as administracións se o Goberno Galego continúa adiante co Anteproxecto de Lei

Representantes de CIG, CCOO, UGT e CSI-F nas diferentes administracións públicas galegas compareceron este martes en rolda de prensa conxunta para anunciar a convocatoria de mobilizacións en contra do Anteproxecto de Lei de Medidas no Emprego Público que prepara a Xunta. As organizacións sindicais realizarán concentracións todos os xoves de febreiro para amosar o seu rexeitamento a estes novos recortes nas condicións laborais e salariais e non descartan convocar folga en todas as administracións se o Goberno galego non retira este decreto.
Ler máis...
 
A Área Pública da CIG oponse aos recortes nas condicións laborais e salariais do persoal da administración pública PDF Imprimir Correo-e
Venres, 03 Febreiro 2012 20:54

Anuncia mobilizacións para exixir a súa reconsideración e retirada

A Área Pública da CIG manifesta o seu rotundo rexeitamento ás medidas anunciadas pola conselleira de Facenda, no día de hoxe. Medidas que implican recortes nas condicións laborais e salariais e supresión de dereitos do persoal das administracións públicas. A Xunta de Galiza pretende eliminar desde o cobro do 100% de salario en todas as baixas por debaixo dos 21 días, até reducir de forma obrigatoria un terzo da xornada e, en consecuencia de salario, aos traballadores/as interinos e contratados. A CIG exixe a reconsideración e retirada destas propostas ou, do contrario, convocará a todas as empregadas e empregados públicos a mobilizarse en defensa dos seus dereitos.

A conselleira de Facenda anunciou esta mañá aos secretarios nacionais das federacións da Área Pública (Administración, Saúde e Ensino) toda unha serie de medidas que implican recortar as condicións laborais e salariais de todo o persoal de todas as administracións públicas: entes, organismos, consorcios, universidades, Parlamento...

As federacións da Área Pública da CIG denuncian que a Xunta de Galiza pretende que sexan as súas traballadoras e traballadores quen paguen os recortes que a administración vai realizar, segundo a conselleira de Facenda, para cumprir as exixencias de Bruxelas e do estado español.

A secretaria nacional de CIG-Administración, María Carme López Santamariña, como coordinadora das federacións de Área Pública asegura que se trata de medidas “moi agresivas e lesivas” para o persoal. “Isto supón unha regresión canto a dereitos adquiridos, algúns deles consolidados desde os anos 60 e 70 do século pasado, como é eliminar o complemento das baixas por incapacidade, penalizando así ás traballadoras e traballadores polo feito de estaren enfermos”.

A pretensión da administración é rebaixar os salarios en caso de incapacidade temporal (enfermidade común), eliminando o complemento que garantía a remuneración do 100% do salario e só ofrecendo a posibilidade de cobralo a partir do día 21 da IT.

Ler máis...
 
Eliminar tres días de asuntos propios ao persoal da administración non suporá aforro algún PDF Imprimir Correo-e
Xoves, 02 Febreiro 2012 13:59

Como alternativa propoñen aforrar en salarios de persoal asesor e na contratación de asistencias técnicas

A Xunta de Galiza vén de anunciar que eliminará tres días de asuntos propios ao persoal da admnistración pública. A CIG-Administración considera que esta medida non suporá aforro algún, porque na Administración xeral non se subsitúe á persoa que os goza, como tampouco se subsitúen no período de vacacións.

O sector da Autonómica de CIG-Administración engade a isto, que deixar a porta aberta á revisión do complemento salarial en baixas por enfermidade común é deixar ao traballador á súa sorte nos momentos máis delicados. “Ninguén elixe sufrir un accidente non laboral, ter un cancro ou un embarazo de risco. E cando sucede, de novo, na Administración xeral non se cubren estas baixas salvo casos excepcionais recollidos na Lei de orzamentos”, manifestan.

Ao tempo, cuestionan a imaxe que das traballadoras e traballadores públicos se transmite. “Somos profesionais que prestamos un servizo á cidadanía, non maleantes que non merecen os dereitos que teñen”.

Fronte á insistencia da necesidade de facer recortes orzamentarios e de facerllos pagar precisamente ao persoal, sinalan que “os servizos privatizados ou o traballo feito por asistencias técnicas tamén custan cartos á Xunta de Galiza e nese punto ninguén do Goberno galego pon o grito no ceo”.

Fronte a isto defenden que “unha traballadora ou traballador público menos é un cachiño de servizo público que ou ben desaparece ou ben pasa a ser prestado por persoal privado, moito máis manexable”.  E alertan de que se os mepregados e empregadas públicas molestan é porque “somos o último escollo para o asalto á bolsa de negocio dos servizos públicos por parte da empresa privada que, como a cidadanía ben coñece, non se rexe polo servizo senón polo beneficio”.

Como alternativa a este novo recorte de dereitos, propoñen aforrar en salarios do persoal asesor político, dentro ou fóra dos gabinetes, ou na contratación de asistencias técnicas que, din, “asumen inxustificadamente o traballo reservado ás empregadas e empregados públicos”.

 
As federacións da Área Pública da CIG denuncian a campaña mediática emprendida contra os servizos públicos e o seu persoal PDF Imprimir Correo-e
Xoves, 19 Xaneiro 2012 22:36

Manifestan a súa oposición a calquera medida que supoña recortar aínda máis as condicións laborais dos empregados e empregadas públicas.

As federacións da Área Pública da CIG (Administración, Ensino e Saúde) denuncian a campaña sistemática de desprestixio dos/as empregados/as públicos/as e, por extensión, dos servizos públicos. Manifestan a súa oposición a calquera medida que supoña recortar aínda máis as condicións laborais dos empregados e empregadas públicas e denuncian a publicación de informacións baseadas na mentira e na demagoxia en medios afíns ao PP que teñen como único obxectivo manipular á opinión pública.
10-04-25 Manifestación nacional en denfensa dos servizos públicos XIX Segundo unha información publicada este xoves, a Xunta de Galiza estaría a barallar novas medidas que implicarían aplicar novos recortes laborais aos empregados e empregadas públicas. Estes recortes afectarían aos días de libre disposición, ao complemento por IT (Incapacidade Temporal) e xornada laboral que pasaría a ser de 37,5 horas.

Fronte a isto, as federacións da área pública da CIG afirman que no referido á xornada laboral, en Galiza todas as empregadas e empregados públicos traballan xa 37,5 horas semanais, que é o que esteblece a normativa da Función Pública galega e o Convenio do persoal laboral.

Neste sentido, matizan que só o persoal laboral que traballa a quendas, con noites e festivos, ou que teña un contrato fixado por horas, coa redución proporcional do soldo, traballa menos horas, do mesmo xeito que o fai o persoal funcionario e laboral que ten unha redución de xornada por conciliación familiar, ao que tamén se lle aplica unha redución proporcional do soldo. “Hai outras administracións que si teñen un horario menor, en Galiza non se dá o caso”.

Polo que se refire ao recorte dos días de libre disposición, que segundo a información citada se reducirían de 9 a 6, a secretaria nacional de CIG-Administración, María carme López Santamariña, explica que esa medida afectaría ao persoal de Sanidade e da Administración de Corpos xerais, pero non a Ensino nin a Xustiza, onde teñen a súa propia regulamentación.

 

Ler máis...
 
PECHE DE SERVIZOS PÚBLICOS EN AMES PDF Imprimir Correo-e
Luns, 16 Xaneiro 2012 12:42

O Goberno Municipal de Ames (A Coruña) pretende pechar varios servizos públicos e despedir 9 persoas. O pasado 15 de Novembro o Goberno municipal presentou unha proposta de eliminación de servizos e de prazas de traballadores que implican o despedimento de 9 persoas.

Proponse a eliminación dos seguintes servizos:
- Radio Municipal e o Web Municipal: 3 persoas despedidas
- A Brigada de Medio Ambiente: 2 persoas despedidas
- O Servizo de Normalización Lingüística: 1 persoa despedida e
- O Servizo de Animación á lectura e unha praza de axudante de bibliotecas: 3 persoas
O Goberno alega necesidades económicas que non xustifica, xa que os informes da intervención municipal inciden na necesidade de optimización das contas, pero non xustifica o peche de servizos e indican que se pode recortar o orzamento de outras partidas que non impliquen tocar os servizos públicos e aos traballadores e traballadoras.

Comunícalle ao Alcalde de Ames a túa oposición ao peche de servizos públicos e despedimentos de traballadores e traballadoras municipais.

http://actuable.es/peticiones/comunicalle-ao-alcalde-ames-tua-oposicion-ao-peche-de

Publicación en AVANTAR o 15 de decembro de 2011

http://www.galizacig.com/avantar/novas/15-12-2011/a-cig-gana-as-eleccions-sindicais-no-concello-de-ames-e-obten-a-maioria-absoluta-do

 
Centos e centos de delegados/as da CIG rexeitan nas rúas do país as medidas económicas do Goberno español do PP PDF Imprimir Correo-e
Xoves, 12 Xaneiro 2012 19:55

Seixo chamou en Vigo á mobilización por un novo modelo máis xusto e solidario e adiantou a posibilidade de convocar outra folga xeral

2012 01 12 ManifaVigo1 Centos e centos de delegados e delegadas da Confederación Intersindical Galega saíron hoxe á rúa en todo o país para amosar o seu rexeitamento ás medidas adoptadas polo Partido Popular nada máis acceder ao Goberno español porque volven cargar o peso da crise sobre a clase traballadora. O secretario xeral da central nacionalista, Suso Seixo, fixo en Vigo un chamamento á mobilización para conquistar un modelo económico e social máis xusto e solidario e adiantou a posibilidade de convocar unha nova folga xeral antes do 10 de marzo, data na que se celebra o Día da Clase Obreira Galega.

 

Ler máis...
 
Confírmase a conxelación salarial e a taxa de reposición do 0% para as administracións públicas PDF Imprimir Correo-e
Venres, 30 Decembro 2011 21:17

O Goberno español obriga así á Xunta de Galiza a modificar os orzamentos que acaba de aprobar

Esta mañá celebrábase en Madrid a Mesa Xeral da Función Pública, na que se informaba ás/aos representantes sindicais da decisión do goberno do PP de conxelar os salarios do persoal das administracións públicas e de decretar unha taxa de reposición do 0%. Para a CIG, ambas as dúas decisións son inadmisíbeis. No primeiro caso, porque supón un recorte salarial que se suma aos xa padecidos nos últimos anos. No segundo caso, porque vai afectar ao funcionamento das administracións, á calidade dos servizos públicos e porque abre as portas a que estas recorran ás ETTs para suplir o persoal daqueles servizos que non se poidan atender ao careceren do persoal necesario.

A taxa de reposición do 0% afectará a todas as traballadoras e traballadores de todas as administracións públicas, incluídos os entes públicos. Quedan excluídos os que o PP denomina sectores básicos, Educación e Sanidade, en concreto Hospitais e Centros de Saúde, onde a taxa de reposición manterase nun raquítico 10%.

Esta será tamén a taxa de reposición a aplicar para os Corpos e Forzas de Seguridade do Estado, Forzas Armadas e para os corpos de loita contra a fraude fiscal da Axencia Tributaria.

A secretaria nacional de CIG-Administración, María Carme López Santamariña, que asistiu á xuntanza da Mesa Xeral da Administración Pública en representación da central sindical, matiza que xa foron advertidos de que esta é a previsión para todo o 2012, aínda que podería haber algunha modificación en marzo, cando se presenten os orzamentos para este ano.

López Santamariña denunciou que isto terá como consecuencia a desaparición da Oferta de Emprego Público, eliminará as posibilidades de promoción profesional dos empregos/as públicos/as e colapsará progresivamente o funcionamento da administración por falta de persoal.

A iso engadiu, que estas medidas poden abocar ao peche de certos servizos públicos por pura inviabilidade ao careceren de persoal e que obrigarán a tomar decisións aos que teñen responsabilidades na xestión dos servizos públicos, para buscar alternativas fóra do emprego público. “Abre as portas a que as novas contratacións que sexan necesarias para manter eses servizos se fagan por outras vías, como a través de ETTs e á contratación en precario”.

Fronte a iso, demandou o 100% da taxa de reposición e recuperar ou pór en marcha a carreira profesional.

A secretaria nacional de CIG-Administración, denunciou que a Mesa Xeral foi convocada “por imperativo legal, porque a lei obriga a pasar este trámite” e que tivo un carácter “puramente informativo, porque as decisións xa estaban adoptadas”. Ademais, considerou “inadmisíbel” que se convocara á mesma hora na que se celebra o Consello de Ministros no que xa van incorporadas todas estas medidas, que serán anunciadas ao seu remate.

Ler máis...
 
Cargos de libre designación levan máis de 5 anos no posto, cando a normativa só permite 6 meses PDF Imprimir Correo-e
Xoves, 29 Decembro 2011 22:51

O sector da Autonómica da CIG-Administración di que con este trato de favor bloquéanse dúas prazas, unha de orixe e outra de destino

O cumprimento da normativa non é, segundo denuncia o sector da Autonómica da CIG-Administración, igual para todas as persoas na Xunta de Galiza, aínda que iso “implique un maior gasto orzamentario”. Non se es “un cargo nomeado a dedo e tes a suficiente ‘confianza’”. Refírense aos postos cubertos polo sistema de libre designación con carácter xeral: subdireccións, xefaturas de servizo e secretarías de altos cargos. Postos nos que superan, algúns, os cinco anos, cando a normativa só permite 6 meses.

Os postos de libre designación, exclusivos de persoal funcionario, pódense cubrir de xeito definitivo ou temporal, “sempre a dedo”, explica a CIG-Administración. A diferenza radica en que non poden ser cubertos de xeito temporal máis de 6 meses segundo a propia normativa elaborada pola Xunta. Porén, denuncian que “estes 6 meses convértense en varios anos, nalgúns casos por desidia, noutros intencionadamente para que a persoa nomeada non perda a súa praza de orixe”.

Aseguran que con este trato de favor bloquéanse dúas prazas: unha de orixe e outra de destino que non saen a convocatoria pública polo que se crea “unha rede clientelar, bloquéase a carreira profesional do colectivo e prodúcese unha sangría de cartos”.

Aínda mais grave é o caso do persoal doutras administracións que están en comisión de servizos eternas na Xunta de Galiza mentres teñen apalancado o seu posto en propiedade na súa Administración de orixe.

Neste sentido, a CIG-Administración ten denunciado en reiteradas ocasións o incumprimento da normativa das comisións de servizo e mesmo propuxo a súa mellora a través de criterios máis obxectivos. Na mesma liña esixiu cambios na aplicación de seguimento para facilitar o seu control que se fixo “tarde, mal e a medias”.

Alén diso, consideran que estas prácticas só rematarán cando se instaure o hábito de concursos de traslados permanentes ou cando menos coa periodicidade que marca a lei. “Mentres estes aspectos non sexan solucionados, continuará o caldo de cultivo ideal para favoritismos políticos que seguiremos denunciando xa que, ademais, nunca son gratuítos”.

 

Ler máis...
 
As federacións da área pública da CIG concentráronse ante o Parlamento de Galiza contra os recortes na función pública para 2012 PDF Imprimir Correo-e
Xoves, 22 Decembro 2011 09:48

 

Demandan uns servizos públicos galegos, sen recortes, sen privatizacións e sen copagos.

As Federacións da Área Pública da CIG (Administración, Saúde e Ensino) concentráronse esta mañá diante do Parlamento de Galiza para manifestar o seu rexeitamento ás medidas de recorte na función pública contempladas nos orzamentos de 2012, que pretende aprobar hoxe o goberno do PP. Denuncian que os orzamentos reducen, unha vez máis, os salarios dos empregados/as públicos/as e destrúen o emprego público co conseguinte deterioro dos servizos públicos, mentres se consolidan privilexios do persoal directivo e altos cargos. Fronte a iso, demandan uns servizos públicos galegos, sen recortes, sen privatizacións e sen copagos.

 

Nos orzamentos para 2012, as retribucións dos empregados públicos fíxanse na mesma contía que no 2011, o que implica a consolidación da rebaixa salarial do ano 2010, o que supón unha perda real de poder adquisitivo ao situarse a taxa de variación interanual do IPC galego no 3,1% xa no mes de novembro. Isto acumulado á suba do IPC do 2010 e 2011, xunto co recorte do primeiro ano e a conxelación do 2011, vai supor unha perda de arredor do 15% do poder adquisitivo. "Mantense e afóndase na redución salarial do persoal que traballa na Administración", afirman.

Fronte a iso demandan a restitución dos salarios, cunha suba salarial de, como mínimo, o IPC real; un plan plurianual que permita recuperar a perda de poder adquisitivo acumulada nos últimos anos, que superou, por termo medio, o 15% e a inclusión da cláusula de revisión salarial.

Ler máis...
 
Concentración de delegados/as da Área Pública da CIG no Parlamento contra os “restritivos” e “privatizadores” orzamentos de 2012 PDF Imprimir Correo-e
Luns, 19 Decembro 2011 13:05

 

O mércores 21 de decembro, ás 11:30 horas, diante do Parlamento de Galiza

 As federacións da área pública da CIG (Administración, Saúde e Ensino) veñen de anunciar a convocatoria dunha concentración de delegados/as ante o Parlamento de Galiza o vindeiro mércores día 21 de decembro, ás 11:30 horas, para manifestar o seu rexeitamento a uns orzamentos restritivos, que consolidan os recortes de servizos públicos e que afondan na rebaixa das retribucións dos/as traballadores/as do sector público.

  11-12-16 RP área pública

 

 

Os orzamentos de Galiza para o 2012 afondan nas restricións retributivas dos empregados/as públicos/as e suporán unha perda de poder adquisitivo dun 15%, tendo en conta o que xa se recortaron os salarios en 2010 e 2011 e as subas acumuladas do IPC durante este período. Así o denunciou a secretaria nacional de CIG-Administración, María Carme López Santamariña, para quen é gravísimo que se consolide a perda de emprego público coa aplicación dunha taxa de reposición do 10%, que tamén se aplica en Sanidade e Ensino, e que vai supor que só 10 de cada 100 baixas, por xubilacións, excedencias e demais, se poidan cubrir. "E isto, en caso de extrema necesidade".

 

López Santamariña considera que a imposición desta taxa de reposición contribuirá a aumentar as xa alarmantes taxas de desemprego, porque non se van activar as listas, o que afectará especialmente ao persoal interino, e tampouco se vai crear emprego público. Fronte a isto, a secretaria nacional de CIG-Administración denunciou a "falta de transparencia" canto ás retribucións de persoal de alta dirección, que non se rexe por convenio. Persoal do que non se coñecen as súas retribucións, porque nin van especificadas nas partidas orzamentarias, nin se deron a coñecer nas Mesas de Negociación.

  

Ler máis...
 
Outra reforma contra os dereitos do persoal empregado nas administracións PDF Imprimir Correo-e
Luns, 12 Decembro 2011 07:10

Seguen as reformas dirixidas contra os traballadores e traballadoras. Unhas se realizan con toda a publicidade do mundo para garantir que se enteran no último rincón do planeta, e outras caseque ás agachadas, perdidas en artigos de leis que modifican outros artigos de leis, nunha técnica lexislativa chapuceira 'xustificada' por mor da 'urxencia' e que convirte toda a lexislación nun xigantesco quebracabezas construído coa técnica do "corta e cola". As empregadas e empregados públicos somos, desde hai anos, o elemento exemplarizante que utilizan os gobernos de quenda para mandar indicacións á sociedade.

O pasado 22 de setembro aprobouse unha denominada Lei de medidas de axilización procesual. Facíao un parlamento xa agónico pero aínda imbuído do seu vergoñento papel de sumiso lexislador do que mandan e ordean axentes económicos alleos a calquera control democrático, co impulso dun PSOE en retirada e co concurso necesario do PP que se limitou, como veu sendo habitual ao longo de todas as reformas que se foron adoptando contra os traballadores e traballadoras nos últimos tempos, a manter unha posición de retórica oposición absténdose na votación. O día 11 de outubro publicouse o texto no BOE e vinte días despois (o 6 de novembro) entrou en vigor.

Ler máis...
 
25 de novembro. Día Internacional para a eliminación da violencia contra as mulleres PDF Imprimir Correo-e
Mércores, 23 Novembro 2011 22:16

A CRISE ECONÓMICA AGRAVA A DESIGUALDADE ENTRE HOMES  E MULLERES

A crise económica está a agravar aínda máis a desigualdade que existe entre mulleres e homes. As solucións que os distintos gobernos están a pór en marcha, reducindo os salarios, facilitando o despedimento nas empresas e recortando prestacións sociais e laborais, afectan de xeito singular ás mulleres, contribuíndo ao aumento da violencia de xénero. Porque aínda que a violencia contra as mulleres non está relacionada cunha clase social concreta, non é exclusiva de situacións de pobreza e de falta de recursos económicos, non é menos certo que en momentos de crise medra a tensión social e se agudiza a xerarquización de poder duns poucos sobre a maioría.

Ler máis...
 
Protesta de bombeiros pola readmisión de dous compañeiros do Porriño PDF Imprimir Correo-e
Xoves, 17 Novembro 2011 23:39

Arredor dun cento de bombeiros de todos os parques do país participaron hoxe na concentración convocada ás portas da Deputación de Pontevedra para reclamar a readmisión de dous compañeiros do Porriño. Os traballadores/as, que levan máis de catro meses en folga, denuncian que a empresa que xestiona os parques provinciais segue sen garantir a estabilidade laboral.

A protesta desenvolveuse entre as 11.00 e as 13.00 horas fronte ao Pazo Provincial e nela participaron bombeiros de toda Galiza, que quixeron amosar a súa solidariedade aos afectados.

Ler máis...
 
A CIG-Administración Pública quere manifestar, unha vez máis, que rexeitará calquera novo recorte PDF Imprimir Correo-e
Xoves, 17 Novembro 2011 16:07

A vista das declaracións de Mariano Rajoy, candidato a presidente do Goberno español polo PP nas eleccións do próximo día 20N, e que se recollen na entrevista que hoxe publica o xornal EL Pais, a preguntas relativas á recuperación salarios persoal admón pública, posibeis novos recortes salariais asi como recortes de servizos públicos, dende a CIG-ADMÓN PÚBLICA, (tal e como xa se ten manifestado dentro das posicións da Área Pública da CIG), comunicamos que non estamos dispostos a aceptar nin baixadas, nin recortes salariais e esiximos á recuperación dos soldos, a anulación da contraproducente taxa de reposición e a paralización da amortización directa de miles de postos de traballo.

Ler máis...
 
O TSXG anula os orzamentos de 2009 do Concello de Verín PDF Imprimir Correo-e
Mércores, 16 Novembro 2011 12:53

O 27 de abril de 2009, o pleno ordinario do Concello de Verín aprobou unha resolución pola que se aprobaba con carácter definitivo o orzamento xeral do Concello para o exercizo dese ano e o cadro de persoal xunto co anexo de persoal funcionario e laboral, sen admitir nin resolver o escrito de alegacións presentado pola CIG o día 17 de abril do mesmo mes.

A Sección 001 da Sala do Contencioso-Administrativo do Tribunal Superior de Xustiza de Galiza ven agora de ditar sentenza pola que se obriga ao Concello de Verín a acometer unha negociación real coa representación sindical e a realizar unha valoración de fondo das alegacións presentadas pola CIG, como trámite previo á nova aprobación do cadro de anexos de persoal así como das determinacións orzamentarias que lle corresponden.

Ler máis...
 
<< Inicio < Anterior 41 42 43 44 45 46 47 Seguinte > Final >>

Páxina 47 de 47
Joomla Templates by JoomlaShack.com